Перейти к основному содержанию

Зулун марф

КiватIна кьилел цавун цифер чIуп-чIулав,
ХъуьтIуьн къайи марф гала вахъ, зулун марф,
Вил экъисиз, чинар чIуриз, гьарайиз
Хажалатдин пар гала вахъ, зулун марф!

Авахьиз вун сафунай хьиз элба-эл
Гъуд югъуриз, рикIе авах къати хъел,
Азиятдик кутаз хуьре вири эл,
РикIиз такIан кар гала вахъ, зулун марф!

Абдуллагьан чIереяр хаз, къав чIуриз,
Кесибдин кIвал рагъул церив ацIуриз,
Дуьнья тамам кьурунчIарай кьацIуриз
Вучиз агьузар гала вахъ, зулун марф?!

Добавить комментарий

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.