Перейти к основному содержанию

Пириставдин бармак

Шапка лугьур, къерех къацу, кIукI вили,
ЧIере чIулав бармак авай пиристав,
Гьатна хуьре вил экъисиз гьарайиз,
Малариз хьиз чаз виридаз гана «гъав!»

Садан папаз, садан рушаз килигна,
Чал кесибрал вичин къирмаж илигна.
ЯхцIурни цIуд къизил харжи эцигна,
Хажалатдин залан шеле гана чав.

Хъел акатна Ибрагьиман къеляндик,
Кьисас кьахчун макьсад аваз хиялдихъ,
Вичин акьул авай а кьил кьуна тик
Яваш-яваш фена адан лап къвалав.

Яна гъутув пириставдин хана кьил.
ДакIунна фад кIеребич хьиз чинал вил.
Яргъи хьана кьуьруьнчIдиз и зурба фил,
Гьраюнри хкажна лап вили цав.

А безеклу бармак фена кIунтIалай,
Са касдини пириставдиз ганач гьай,
Гана элди гьаясуздиз лайих пай
Мад а ягьсуз хтанач халкьдин патав.

Абдуллагьан буйругъ икI я, инсанар,
Чун физвай и гуьне тик я, инсанар.
Гьахъ гвайди михьи рикI я, инсанар,
Гьахъ кар патал а ви рикIе хьуй ялав.

Добавить комментарий

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.