Багьа савкьат

М.С.Абдулмуталибовадиз

Куьгьне газет, яхцIурни цIуд йис
хьанвай,
Хъипи хьана, рангарни дегиш 
хьанвай,
Пишкешна заз са акьуллу инсанди.
Авач савкьат заз адалай масан тир.

Дидед суьрет килигзава газетдай,
Дидед суьрет, дидевилин нур авай.
Вилералди, умудривди ацIанвай,
Багьа вилер, килигзава газетдай.

 

И газетди тухвана зун сейирдиз,
Зун хиялрай акъат хьана яргъариз.
Ахмиш хьана, вилерикай къарагъна
Аял вахтар, бахтлу йикъар 
уьмуьрдин.

Гьуьрметлу кас, багьа инсан, 
вун сагърай.
Газет хвена къе заз багъиш авунай.
Ви рикIевай мурадрихъ 
вун агакьрай,
Заз уьмуьрдин гатфарин югъ
багъишай.
Кефи хамир
Дишегьли чи тIебиатда диде я!
Гьар са цIийи хизан кутаз, бине я.
Дережани адан гьакьван вине я.
Гьар баладиз вичин диде чешне я.

Дишегьли чи руш, вах, багьа сусар я.
Заз чиз, абур лиферизни ухшар я.
Хъуьтуьлдаказ, назиквилив рахада,
Итим адан кьилел кард хьиз 
элкъведа.

Дишегьлиди азад яз вич тухуда.
Къвалав итим, стха, буба хьайила.
Дишегьлидикай илгьам жеда 
хизандин,
Кьисметдини шартIар къени гайила.

Дишегьлидин гуьгьуьл хамир, 
итимар - 
Вилин эквер, рикIин нурар, гьакимар!
Дишегьлидиз виридалай хуш гафар:
“Сагъ хьурай лагь иесини рухваяр”.
Райондиз
Хайи югъ ваз мубаракрай,
Чи баркаллу район чIехи,
Сулейманан илгьам алай,
Гомер тIварцIиз лайих хьайи.

Ви девлетар инсанар я,
Гьар са кIвалах алакьзавай,
КичIе тушиз зегьметдихъай,
Сафа къачуз алахънавай.

Рычал ятар, Кпул ятар
Чи сагъвилин себебар я.
Кьилин лишан агьалийрин
Акьул, камал, эдебар я.

Алимарни генералар,
Гьакьван сейли ва такабур!
Пагьливанрал дамахзава
Дуьньядиз тIвар хьанвай машгьур.

Яшайишдин гьаларни вин
Югъ-къандавай жезва артух
Газ кIвалева, яд - булахда,
ТуькIвей рекьер, машин буллух.

Чи экуь тир гележегдихъ
Камар къачуз еке-еке,
Вилик физвай район къе чи, 
Виридалай хьуй вун кIвенкIве!

Аният Исрафилова
Лезги газет

Рубрика

Комментарий кхьихь

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.