«Шииррин цуьл»

И мукьвара Стlал Сулейманан райондин «Куьредин ярар» медениятдин центрадин чапханада шаир Шагьбала Шагьбалаеван «Шииррин цуьл» ктаб урус чlалалди чапдай акъатна. Лезги эдебиятдал рикl алайбуруз шаирдин чlалар фадлай чизва, адан яратмишунриз критикади хъсан къимет ганва. Икьван чlавалди лезги чlалалди акъатнавай са шумуд шииррин кlватlалрин автор тир шаирдин шиирар алимар тир Халидин Эльдарова, Мегьамед Ибрагьимова раиж ийизва. Чпин илимдин ахтармишунра шаирдин эсерриз дуьз тир къимет гузва. Къейд авун лазим я, Ш.Шагьбалаева вичин эсерра хайи ватандиз авай хвавилин майилар художественный такьатралди суьретламишна, фасагьат чlалалди кхьенва. Абурукай хейлинбур республикадин «Махачкалинские известия» газетдиз, умуми кlватlалриз акъатнавайбур я. Шиирар урус чlалаз Александр Торбади, Арбен Къардаша, Альфия-Хавсат Мирзаметовади, Надежда Веселовскаяди устадвилелди таржума авунва. 

Урус чlалалди сифте яз акъатнавай 500 тираждин ктаб 60 чиникай ибарат я. Чна шаирдиз и агалкьун мубаракзава. Къуй куь къелем мадни хци хьурай!

Куругъли ФЕРЗАЛИЕВ

Рубрика

Комментарий кхьихь

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.