Чlални эдебият чирзавай сайт

20-апрелдиз «Лезги чlал» (www.lezgichal.ru) сайт кардик акатайдалай инихъ пуд йис тамам хьанва.  Пуд йисан муддатда сайтди, чархачиди хьиз, лезги халкьдив чlалакайни литературадикай гзаф малуматар агакьарна ва и кар гележегдани йигин камаралди давамардай къаст ава.   
Сир туш, алай вахтунда дуьньядин вири пипlера авай бязи лезгийри Интернетдикай менфят къачуналди хайи чlалахъ, эдебиятдихъ, тарихдихъ галаз авсиятда жезвай веревирдерал чпин фикир желбзава.  И карда «Лезги чlал» сайтди тlимил хийир гузвач. Раижзавай затlар вири лезгидалди тир ихьтин сайтдиз тешпигь маса сайт лезгинетдай жагъидач. Метлеблу материалралди югъ-къандавай артух жезвай сайт алай вахтунда хъсан, лайихлу, дамахлу дережадив агакьнава.
Сайтдикай менфят къачузвайбурувай чи халкьдин тlвар-ван авай зарийрикай (алатай ва алай девирдин) малуматар, абурун яратмишунар кlелиз жеда. Менфят къачунин асантвал патал сайт са шумуд хилез пайнава: «Чlал», «Зарияр», «Махар», «Шарвили», «Манияр», «Мисалар», «Макъалаяр», «Келимаяр», «Мискlалар», «Тlварар» ва масабур. «Ктабрин кlваляй» хайи чlалаз, эдебиятдиз, тарихдиз ва масабуруз талукь тир къиметлу хейлин ктабрин электрон жуьрейрикай менфят къачуз жеда. Видеотека, электрон жуьредин тестер, хуьрерин шикилар – вири куьн паталди я. 
«Лезги чlал» сайтди вилик эцигнавай макьсад хайи литература халкьдин гегьенш къатариз чукlурун, сайтда раижзавай малуматар вири анжах лезги чlалалди гун я. Сайтдин гьакъиндай метлеблу теклифар, меслятар къалурдайбур хьайитlани чаз хвеши жеда. Чlалахъ я хьи, ишлемишчияр сайтдилай рази яз амукьзава. Ихьтин рафтарвилер гележегдани хуьз алахъда.

Орхан МИРЗАЛИЕВ,
Куругъли КЪАЛАЖУХВИ

Рубрика

Комментарий кхьихь

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.