Алдар Кусани савдагар

Хьана кьван-хьанач кьван са Алдар Куса лугьудай тапарчи. Идан тапаррикай вири куьцIенвай. Ада алцурар тавур садни амачир.
Ийкъарикай са юкъуз балкIанрал алаз савдагаррин карвансара физвай. Башламишна ибурукай са савдагарди вичин дустарин вилик фурсар ийиз: "Гьелбетда, Алдар Кусадилай вири алдатмишиз алакьна, амма зун адавай тухуз жедач. Ада алдатмишзавайбур вири ахмакьар я". ИкI лагьана килигайтIа, савдагардин къаншардиз Алдар Куса вич къвезвай. Алдар Кусади савдагардиз салам гана ва Аллагьдивай абуруз хийирлу рекьер гун тIалабна. Алдар Куса акур савдагардик генани дамах кткана.
Яда, Алдар Куса,- лагьана ада,- эгер вун тапрукь ятIа, ша зун алцурара. Амма валай и кар алакьдач. 
Алдар Кусади савдагардиз юкь агъузна икрамна ва ихьтин жаваб гана: "Гьелбетда, за вун алцурардай, амма са кар чIуру я - зи тапаррив ацIанвай чувал кIвале амукьна. Эгер вуна жуван кIаник квай балкIан зав вугайтIа, зун вил акьална ахъайдалди кIвализ хъфена чувални гваз хкведа. Ахпа за вун алдатмишдайдахъ вун ягъада."
Савдагарди Алдар Кусадив вичин балкIан вугуда. БалкIанни гваз хъфей Алдар Куса мад садан вилеризни ахкунач.

«Лезги халкьдин махар»
Гь.Гь.Гашаров, А.М.Гъаниева

Рубрика

Комментарий кхьихь

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.