Тарифна за цуькведин,
Какатна зун куьлгедик.
Синихна за куьлгеlин,
ТIакIан хьана уьлкведиз.
Цав кьакьан я, чил кIеви,
КIвал кьефес я, дуьнья дар
Тагъ – чанагъ я, рагъ – иви,
Марфар – зи вилин накъвар.
Мез амачир уьлкведиз
Ван тахьайла шиирдин,
Ягь авачир куьлгедиз
Къадир женни шаирдин?
Цав ялав я, чилни цIай.
Кузва шиир, кузва зун.
Зи Лезги эл хьанва зай
Хьанва за икI низ лугьун?
Тарифна за уьлкведин,
Какатна зун куьлгедик.
Синихна за куьлгедин,
«Душман» хьана уьлкведиз.
Рубрика
Комментарии
19.02.2021
Лезги Няметан рик1 гьамиша Лезги ватандихъ кана. Адан рик1ин т1алар, мурадар шиириз элкъвена. "Низ лугьун?" шиирни гьак1 арадал атанвайди я. Чна кисна к1елна, лезет хкудун патал ваъ, лезги халкьдин т1ал алай "проблемаяр" гьялун патал. Гьикьван чун кисайт1а, гьакьван чаз к1ур гуда. Лезги Няметан шииррин гьар са ц1ар чаз тунвай весияр я.
Добавить комментарий