ЯТIА

Вун цIай ятIа- кузвайд садра туьхуьда,
Вун цуьк ятIа- кьатIда са вил экуьда.
Вун бахт ятIа- авачирдаз аваз хьухь,
Вун рагъ ятIа- на нин дуьня экв ида?

Вун вацI ятIа- ацIуз-ацIуз алахьа,
Вун рехъ ятIа- са уьмуьр фин чIалахъ я.
Вун ашкь ятIа- ялав галаз атана
РикIяй-рикIиз ивидалди кIвалаха.

Вун рикI ятIа- са чIавузни акъвазмир,
Са гафунин ихтилатар са варзмир.
Вун къван ятIа- алай цлал чка хуьх-
Цлакай тир шикаятар таразмир.

Вун къвед ятIа- зи хиялриз мугьман хьухь,
Вун гъед ятIа- авайдалай кьакьан хьухь.
Вун лекь ятIа- чIемерукдин хьел хьтин
Лув це цавуз, агъузвилер ттакан хьухь.

Вун цIай ятIа- вакай чазни чим атуй,
Вун цуьк ятIа- чи гатфариз ким атуй.
Вун бахт ятIа- кутугара чи къастар,
Вун рагъ ятIа- мичIивилин гъам татуй!..

Добавить комментарий

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.