Къваз кIвалин юкьвал-акъваз хиялриз,
Вуч гун лугьуз къе жуван аялриз.
Килигир кьван мад текнедиз чи буш,
Бес вуч лугьун яван аялриз?
Къуншидин кIвале дулма-аш ава,
Гьерен як галай гьа бузбаш ава.
ТIанурдин фуни бул лаваш ава,
Бес вуч лугьун за масан аялриз?
Нисидин ккIал, ахтармадин кIус
Лагь, къатухни нек акурди я мус?
Тугъадиз акьван авачиртIа кус,
Аквадачирни, лагь, хъсан аялриз?
КIвалерал пехъер ацукьрай, душман,
Вунни къе зун хьиз амукьрай, душман.
Ви дувандик гьахъ галукьрай, душман,
Уьмуьр жедайвал асант аялриз!
Рубрика
Добавить комментарий