Закат гудалди хуьруьн фекьидиз
ЗатI амач кIвале талан хьанава зун,
Авай са ккални кьена гатфарихъ
Шур жагъин тийиз яван хьанава зун.
И заманада тек кьил хуьз тежез
Уьмуьрни физва хуьрера экъвез.
Зегьер хьиз туькьуьл я лугьуз зи мез
Бязи ксариз залан хьанва зун.
Гьайиф аялвал, чир хьанач къимет,
Къайгъу жедачир гватайтIани мет.
Гила вад йис я, квахьна гьуьрмет,
Яру кIунтIунлай аскIан хьанва зун.
Вучда уьмуьрдикай дад къачуз тежер,
Рекьиз хьайтIани яд къачуз тежер.
И язух ччанни фад къачуз тежер
Азраилдизни душман хьанва зун.
Абдуллагь кьейтIа мукьвал йикъара,
Вири лезгийрихъ хабар агакьара.
КIвачер кьатIнава, авачир ракьара
Суза ийизвай жейран хьанва зун.
Рубрика
Добавить комментарий