АЛЛАГЬ вавай дад ава са...

Аллагь вавай дад ава ca,
Заз инсанвал багьа тур.
Пехилвилин гъвел гумир заз,
ШейтIан завай яргъа тур.

Сабур жервал рикIинвидиз,
Къуьн- къуьневай рекьинвидиз.
Къунши тежен кIвалинвидиз
Зун зи хайи муква тур.

Къуза къирав, алугиз тик
Фагъир тамир бенде на икI.
Дуьшуьшдайни тахан за рикI
Зун рикIериз мукьва тур.

Дагъ канидаз, дагъ це вуна,
Рагъ канидаз, рагъ це вуна.
ЗуракI гумир, сагъ це вуна
Зазни гъвечIи чуква тур.

Зун жув хьурай зи шиирда,
Писвал авач зи фикирда.
Заз ганавай и уьмуьрда
Хайи чIалан юкьва тур.

Добавить комментарий

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.