Къелем гъиле кьур береда

Илисна пIуз, алахьна зуз
Чешмедин рав мур береда.
Дава кIан яз ятаривай
Зун алугна кур береда.

Дуьня тирвал, къекъвена ях,
Уьмуьр я кьван, са куьруь мах.
Цав галай нихъ килигна шах,
И рикIе хал тур береда.

За рикI туна, и кьве гъилел.
Чрана жув рикIин вилел,
Къурбан тирдан къведа рикIел
Къелем гъиле кьур береда.

Хуш хиялрин муква жеда,
Малаикрин юкьва жеда,
Аллагь, зун ваз мукьва жеда
Зи чешмедин гур береда.

Комментарии

Саламалейкум! Шиирдай сагърай куьн! Ст1ал Сулейманаз, я лезги ч1алаз бахшнавай шиирар авачни? !8-майдалди гьазурзавай ктабриз герек я. Зи электр. почтадиз вигьин т1алабда: ahmedpasa@list.ru