Дагъларин т1ал

Пине хьанва кьве шалвардин 
Нав фенава ви астардин.
Сифте ц1ар я, зи дафтардин
Дагъларин т1ал.

Рагъ килигдай экуьн ц1арц1уз,
Цацаравай Кич1ендин мурз,
Чара ат1ай Шагьни Шалбуз
Дагъларин т1ал.

Гьар камунал ягъана т1вал,
Чухвадалла симинин цвал.
Чи тарихдин са рагъул хал
Дагъларин т1ал.

Сим фенавай лекьерин муг,
Зун акурла къекъифай к1ук1,
И рик1ин кьил, и чандин ч1ук1
Дагъларин т1ал.

Чинал алаз са мили хъвер,
Бахтуна рагъ, чешмеда звер.
Чан шаирдин т1алдин къведхвер 
Дагъларин т1ал.

Ахъа хьуй рехъ къвез жедайвал,
Жув жувахъ къекъвез жедайвал,
Зун са лекьрен мез жедайвал
Дагъларин т1ал.

Комментарий кхьихь

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.