Перейти к основному содержанию

Алахъна зун

Туькьуьл рикIиз къенивал,
Къайи къванциз кIанивал,
Са кек кьадар, жеривал
Гуз алахъна зун.

Фагьум гана эхирдиз,
Рехъ ахъайна фикирдиз.
Булахдин сир шиирдиз
Гъиз алахъна зун.

Шел хьуникай вилерин,
Руг хьуникай гелерин,
Туьгьметдикай эллерин
Хуьз алахъна зун.

А кьил таквар са тIал хьиз,
Гьуьлуьхъ цIигел стIал хьиз,
Пагь атIанвай хиял хьиз,
Куз алахъна зун.

Садаз масан жедайди,
Вадаз такIан жедайди,
Жуван кьилел къведайди
Чиз алахъна зун.

Са лукIраз цIуд чин акваз,
Эхиз тежез, и рикI гваз
Цаварилай а патаз
Физ алахъна зун.

Комментарии

Агьмедпаша
30.12.2016

Шиирар бегелмиш хьана. Чна лезги ч1алакай кхьенвай шииррин ктаб акъудзава. Квез чидай шиирар ават1а, т1алабда зи эл.почтадиз ракъурун. "КУЬРЕДИН ЯРАР".
ahmedpasha@list.ru

Добавить комментарий

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.