Илгьамдикай пай ганвайди

Гьажиев Межид

Къурушви Гьажиев Межидакай — тIвар-ван авай гьикаятчидикай, яргъал йисара “Дуствал” альманахдин редактор хьайи дагъвидикай хабар тушир лезги бажагьат гьалтда. Адан хейлин эсерар неинки Дагъустандин, гьакI маса халкьарин чIаларизни таржума авунва, мектебра, вузра кIелзава. “Им къван, имни терез” романдай писателдиз чи республикадин СтIал Сулейманан тIварунихъ галай премия ганай.
Адан хайи стха Малик Жарасович Гьажиева ЦIийи Къурушдал саки вичин вири уьмуьрда муаллимвиле кIвалахзава. Гьа са чIавуз художественный эсерарни теснифзава: шиирар, гьикаяяр, зарисовкаяр, къейдер…
Амма газетрани журналра чап ийиз тади къачузвачир. Дуьз лагьайтIа, вичикай ада гьеле 1951-йисуз Докъузпара райондин “Социализмдин рехъ” газетда хабар ганвай. Адалай гуьгъуьниз, геж-геж хьиз, М.Гьажиеван эсерар “Лезги газетдиз”, “Самур” журналдиз, “Къурушрин сес” газетдиз, маса изданийриз акъатиз хьана.
2000-йисуз адан эсерар къурушви авторрин “Яру дагъдин шагьвар” кIватIалда гьатна. 2005-йисуз лагьайтIа, Москвада ада вичин “Инсанар ва жанавурар” тIвар алай кьилдин ктаб чапдай акъудна.
И йикъара Дагъустан Республикадин лайихлу муаллим, хъсан инсан, хизандин кьил, чи мухбир ва шаир Малик Жарасовича вичин 80 йисан юбилей къейдзава. Чна рикIин сидкьидай адаз и дережа мубаракзава. И чинин материалар гьа вакъиадихъ галаз алакъалу яз гьазурнава.

Мерд  али
Лезги газет

Рубрика

Комментарий кхьихь

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.