Агь ялгъузвал, ялгъузвал,
Вун я кьилин агъузвал.
Лагь гила за вуч ийин?
Хкажизни хъжезмач
Завай ярх хьайи гичин.
Куьмек гудай авач сад,
Уьмуьрдикай амач дад.
Дуьньядай гьикI фирай фад,
Хиял кьванни физ амач,
Вахт хкведа лугьуз, шад.
Агь ялгъузвал, ялгъузвал,
Арушмир зал карушвал,
Жез тазмач на къарагъиз,
Югъ-йиф ава гьарагъиз.
Агь ялгъузвал, ялгъузвал,
Гьиниз катда зун вакай.
ГьикI лагьайтIа, къе икрагь
Хьанва, валлагь, зун закай.
Агь ялгъузвал, ялгъузвал,
Къачузва на машгьурвал.
Гьиниз фирай гъиляй ви?
Азраилдин чIар, валлагь,
Хъуьрезва заз пеляй ви.
Рубрика
Добавить комментарий