Хъсанвилиз писвал ийир,
Маса касдин такIан хийир.
Садни бегьем инсан жедач,
Адахъ туькIвей хизан жедач.
Дугъри кардиз къимет гудай,
Хъсанвилин гьуьрмет хуьдай.
Касдиз цаву, чили гуда.
РикIиз кIани вири гуда.
Гьар са карда къачуз гунагь
Алахъай кас жедач панагь.
Фад квадарна авай гьуьрмет,
Курди жеда адан кьисмет.
Чан дидедин, за лагьай гаф
Уьмуьрда ваз жедач гзаф.
Инсанвилин хьана чешне,
Машгьура ви ери-бине.
Рубрика
Добавить комментарий