Перейти к основному содержанию

Я бахт

Я багьа бахт, вуч я ви сир,
Къалура ман жуван заз чин!
Вучиз хьурай зун ви есир.
РикIи лугьуз гьикIин? Вучин?
Садал вун лап булдиз гьалтда,
Яд хьиз регъуьхъ, вун агалтда.
Кесиб касдиз вун акьалтIда,
Са масаниз хьана кIвачин.
За ийизвач арза-ферзе.
Туш зун гафар кхьир мирзе.
Яхъ на зи пад, гъваш, гъил вице,
Жував дамах, я фурс гвачиз.
Я азизди, вучда за, лагь,
Дуьньядин вун хьанва панагь.
Валай чIехи я тек Аллагь.
Зун я бенде гунагь квачир.
Ви вилик зун тахьуй аси.
КIандач на гай хватни къайси.
Бес я авай захъ абаси,
Са бубат зав дуьз эгечIа.

Добавить комментарий

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.