Перейти к основному содержанию

Чан къуллугъ!..

Зун вахъ галкIана, зи къуллугъ багьа,
Гьеле на авур са затIни авач.
Къекъвезва зун, зи кьил кьуна цава,
Накьвадихъни гьич галукь тийиз кIвач.

КIанзава цавай физ заз вахъ галаз,
Вахъ галаз ийиз вири крар дуьз.
Аллагьди гайи хьиз и къуллугъ заз,
ХьайитIа хъсан я геждалди хуьз.

Кар я, вучда за акъатайтIа вун
Зи гъиляй, эхир авайди я кьван.
Кьилеллайбуруз фена вуч лугьун,
Анал къведатIа абуруз зи ван.

Зи къуллугъ, аман, яхъ на зун кIевиз,
Алакьзамай кьван ахъайдач вун за.
Вун гваз ийизва за зи кьил виниз,
ТахьайтIа вун, зал ранг къведа маса.

Вични са къуллугъ хуьревай чIехи,
Аллагь хьурай зи рекье вун галаз.
Гьич тахьайтIа кьил жедалди рехи,
Белки, амукьдач ахпа герек заз.

Добавить комментарий

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.