Перейти к основному содержанию

Ви тIвар

Вал тIвар дидеди вичи эцигна,
Ви иервилиз, михьивилиз ви,
Кьегьалвилиз ви, чиниз килигна,
Килигна рикIин чIехивилиз ви.

Гьакьда дуьньяяр ви рикIе чIехи,
Дердерни гъамар алакьдай эхиз.
Хьанвай къад йисни тахьанмаз рехи,
Амма такур гьич садрани шехьиз.

Бахт... ГьикI лагьана эцигайди тир
Ихьтин тIвар дидеди кIанивиляй ви
Гьихьтин цавариз килигайди тир,
Жеда, лагьана вун икьван къени?

Гьар са затI хьана, бахт тахьай бенде,
Чам кьена мехъер ийизвай юкъуз,
Жуван бахтуна жув гьахьай бенде,
Гьа Бахт лугьудай тIвар ала лугьуз.

Къад йис я гила чIулав бахт гваз вун,
Амай мехъерин сифте юкъуз хьиз...
Туш бахтлуди вун за ваз гьикI лугьун,
Икьван йисара хвейи жув михьиз.

Добавить комментарий

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.