Перейти к основному содержанию

Москов шегьердиз

Юлдашар, Москов шегьердиз 
Набелад мугьман хьана зун. 
Гьар патахъди лап иердиз 
Килигиз гьейран хьана зун.

Квахьна завай зав гвай ериш, 
Зи шаирвал хьана дегиш. 
Эрекь тахъвай зи гьал бейгьуш 
Хьана, лап пиян хьана зун.

Чизамачиз кашар, мекьер, 
Чандилай алахьиз гьекьер, 
Kвахьнa зун къекъведай рекьер, 
ГьакIан са гьайван хьана зун.

Анрин инсанарин мецер 
Акурла зун хьанa cepcep, 
Белки кьилиз яна эсер, 
Фагьумсуз инсан хьана зун.

Зегьметдивди акьул кьиле 
КIватIна, гьатна зун зи геле. 
Яваш - яваш геле - геле 
Са гьалда хъсан хьана зун.

Сифтедай зи гьални чIуруз, 
РикIни хьана пара цуруз. 
Эхир кьиляй вирибуруз 
СтIал Сулейман хьана зун.
.
I934

Добавить комментарий

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.