Максим горькидин саламар

Чи юлдаш Максим Горкид 
Квез салам - дуьа лагьана. 
Вичи пайи савкьат еке 
Дагъустандиз пай, лагьана.

Куь арада амай шейтIан 
Лап вилик пад атIутI адан.
Чун такIан душмандин гардан 
Шуьшкадалди я, лагьана.

Фикир ая, юлдаш батрак, 
Кумач вун залумдин сарак. 
Нагагь куь арада кулак 
АматIа, эля, лагьана.

Гьар са юлдаш хьана икьрар, 
Чи социализмдин крар, 
Партияди акъудай къарар 
Тадиз бегьем куьтягь лагьана.

Вири са фикирдин устIap, 
Чи фяле партидин къастар, 
Кесибар я вичин дустар, 
Кулакдиз мидя, лагьана.

Гьа чи юлдашарин гъараз 
Хъсанвилер хьунухь я чаз.
СтIал шаир Сулейманаз 
ИкI вичин мецяй лагьана.

Комментарий кхьихь

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.