Перейти к основному содержанию

Юлдашар, заз крайдавай

Юлдашар, заз крайдавай 
ЦIийи юлдашар акуна;
Дерди гьалар лап мукьвалай 
Къаншаба-къаншар акуна.

Ислягь тир чпин амалар, 
Чпин акьулар, камалар, 
Агакьзавай комсомалар -  
Гадаяр, рушар акуна.

Гьар жуьредин ишигь, эквер, 
ХъуьтIуьн цикIиз яру цуьквер. 
Гьар жуьре билбилар, нуькIвер, 
Гуьрчег тир къушар акуна.

Юлдашарин хуш тIебиат, 
Чпин цIийи эдебият, 
Заз анавай кеф-кефият, 
А яшайишар акуна.

Делегат яз фенамаз чун, 
Гьар патахъай къвез алтIушун, 
Бaзаpрин гунуг - къачун, 
Алишверишар акуна.

Килигна зун гьар тегьердиз, 
Фагьумна за лап иердиз 
Пятигорски шегьердиз, 
Московдиз ухшар акуна.

Зун дуьшуьш хьай хъуьтIуьн чагъар, 
Гьар патахъ живедин дагълар, 
Кьуранавай вяде багълар 
Ширин емишар акуна.

СтIал шаир Сулейманаз 
Чидайд туш гьич шахси - гъараз. 
Ам гзаф тир хъуьтIуьн аяз - 
Гьа кар заз гужар акуна.

Добавить комментарий

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.