Саратовкиназ жаваб

Чир хьана чаз а ви затIар 
Вуна кхьин, Саратовкин. 
ЦIийиз агакьзавай устIар, 
ЧIалар куьткуьн, Саратовкин.

Сабурдивди, яваш - яваш, 
Фагьум, фикир кIанда, юлдаш. 
Жуван гьа къелем, къарандаш
КIанда йигин, Саратовкин.

Агакьзавай шаирд тазаз 
И гьадия ракъурна заз, 
Ширин - ширин гафар рахаз
Ийиз луькIуьн, Саратовкин.

Гьар са душман хьуй чи пелеш, 
Чилик акатуй чпин леш. 
Чаз цIийи рехъ хьана гегьенш, 
Къекъвез эркин, Саратовкин.

СтIал Сулейманаз килиг, 
Шаир юлдаш квевди шерик, 
Даим эбед идлай вилик 
Жад чун кескин, Саратовкин.

Комментарий кхьихь

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.