Никитинан кагъаздиз жаваб

КIелиз туна за ви кагъаз 
А ширин суьгьбет, Никитин. 
Гуьрчег гафаралди рахаз 
Я кьван вун зи дуст, Никитин.

Гьарма са касдин аялар, 
Куьлуь юлдаш комсомалар, 
Ленин юлдаш рахай гьалар - 
Хуьх гьа аманат, Никитин.

Мягькемвилелд кьуна гъиле, 
Са зерре кьван тийиз гьилле. 
Комсомалдик геле - геле 
Жеда башарат, Никитин.

Гьукуматдин вилин эквер, 
Гьабурни я чанар, рикIер, 
Ленинан бахчадин цуьквер 
 Гьам я ишарат, Никитин.

Камсамал юлдашриз багьа -  
Гьар садаз вичин везифа, 
Течирбуруз чира жува 
Гана тербият, Никитин.

Ви гафар садни батIул туш, 
Хьана зи чандиз гзаф нуш. 
Ава хъсан вахъ пара хуш, 
Юмшагъ тIебиат, Никитин.

Залди рахкай гафар вуна 
Хъсандиз за кIел авуна.
СтIал шаир Сулеймана 
Авур мешверат, Никитин.

Комментарий кхьихь

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.