Перейти к основному содержанию

Тiуб сара кьаз...

Акурла Московдин куьче, 
Зун тIуб сара кьаз амукьна. 
Чиз амукьнач заз зи пеше, 
Гъилер хъуьчIуьк кваз амукьна.

Эхир, я эвел тийижиз, 
Жуваз анин гьал тийижиз, 
Я рахадай чIал тийижиз, 
Зун лап рикI дакIваз амукьна.

Ийидай кьван веревирдер, 
Гьални жуван хьана бетер. 
Ахъайдай кас хьанач дердер, 
Зун фикир чIугваз амукьна.

КIвачел шалам, кьилел бапIах, - 
Гьанлай чIур хьана зи кIвалах. 
Шерик хьанач я зи къвалахъ, 
Хажалат жуваз амукьна.

Акъатдай гаф течиз сивяй, 
Рахун - луькIуьн ийиз цавай. 
Эй, юлдашар, акьул завай 
Са версин яргъаз амукьна.

Сулейманан мецин дяве 
Ажузвал кьурд тушир хиве,
Вуч ятIан ам инал кIеве 
Гьатна, гьакI зурзаз амукьна.

Добавить комментарий

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.