Табасаран шаир гьажи - юсуфаз

Гурихъ Гьажи - Юсуф, зи дуст, 
Хейлин вахт я, кис хьана вун, 
Гьакъикъатда хьана икI суст, 
Лагь кван шумуд йис хьана вун?

РикIелай физ ви xвa - стxa, 
Пуд СтIалдал алай арха, 
Хьана чавай акьван яргъа, 
Вучиз и гьал пис хьана вун?

Ийиз гьакIан эллем - къелем, 
Амачни вахъ девит - къелем? 
Кхьизмачиз са затI бегьем, 
ГьакIан буш силис хьана вун.

Чи дуст Мисри Бургъана - хуьр 
Дустарихъай хьанава къуьр, 
Рикелай фир санал тIуьр гъуьр, 
ГьакIан буш межлис хьана вун.

СтIал Суьлейман я шаир, 
Вичин кесиб халкьдиз загьир, 
ЧIалар кхьиз вунни магьир 
Яз, вучиз илис хьана вун?

Комментарий кхьихь

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.