Перейти к основному содержанию

Акьахна са кьакьан тарциз...

Акьахна са кьакьан тарциз 
Бегьер гудай ичин, билбил.    
Вуч чIал ава а ви ванциз, 
Гьарайиз я кIвачин, билбил.

Мягькем кьуна вуна и тар, 
Тамам ян бес амай шapтIap? 
Саймиш тийиз чи жемятар, 
ХупI кIевида ви чин, билбил.

Гьич чIал авач ви гьалериз, 
Дамахзава на эллериз. 
Аквадачир вун вилериз, 
Вяде тиртIа хъуьтIуьн, билбил.

Заз чир жед вун ятIа къуччагъ:
Зун акурла жемир къачагъ. 
ЦIи гьикI тир ви дуланажагъ, 
Тух яни ваз, гишин, билбил?

ЦIинин кьуьдни хьана пайгар, 
Дегиш хьанач мад ви рангар. 
Гила хибни хьана азгар, 
Йикъар фена чишин, билбил.

Жагьура ваз са кIеви рук, 
Гьалт тавурай вал чинерук, 
Aкатайтla адан хурук, 
Ахпа за ваз вучин, билбил!

Жагъура ваз чка секин, 
Ша жемир вун акьван эркин. 
Заз акурд туш вун кьван йигин 
Громофон, машин, билбил.

Хьана къвазмир вун икI тахсир, 
Пашман жедай кар я эхир. 
Кьве-кьвед хьана гьар са ничхир 
Къайгъудик ква чпин, билбил.

ГьакI нубатсуз ийимир къал, 
Гатфар къведа сад - вад йикъал. 
Сулейманан ша вун мукьвал, 
Са кIус ваз тамашин, билбил.

I900 - I905

Фагьум ая вуна аям, 
Яз амукьмир вун акI авам. 
Фикир ятIа ви храз гам, 
Эвел гьазур гъалар кIанда.

Сулейманаз чида гьисаб - 
Чекмечидиз рибни, гъал, раб, 
Жуван тIвар хьайила кьасаб, 
Хци тир чукIулар кIанда.

Добавить комментарий

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.