Вич гумрагь тир бязи тарта

Вич гумрагь тир бязи тарта, 
Яхун хеб мурдар аквада, 
Гьар пакамахъ ийиз юрта, 
Хъуртукай зангар аквада.

Гуьзетмишиз юбуд хирез, 
Гъейри ничхиррални хьуьрез, 
Вич гъафил тир бязи пехърез 
Кардни бейхабар аквада.

Фагьумдач мад гьа кар сифте. 
Вичин гьа хъицикьдин фите, 
Туьтуьнихъ кьван гьатин хъурте, 
Ажеб тIимил тIвар аквада.

Фагьумда за бязи чакъал:
Ав чIугвада мукьвал - мукьвал, 
Гьар ахмакьдиз вичин мискьал 
Путунай санбар аквада.

Шумудакай зун квев paxaн? 
Шумудан кеф за закай хан? 
Вичин кьулухъ кьиле чукьан 
Аваз, масдан чIар аквада.

Ай факъир, вун, акьул даяз, 
Фикир ая жува - жуваз. 
СтIал шаир Сулейманаз 
Гьар патай ахвар аквада.

Комментарий кхьихь

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.