Перейти к основному содержанию

Заз кIанзавач атана ваз зун язух...

Заз кIанзавач атана ваз зун язух,
Язух атун такIанвилин вах ялда.
Гададинни рушан гьиссер сад хьунухь,
Ам Аллагьди кьериз гудай бахт ялда.

Бес гьакI тирла хьайид тушни кьисаяр
Лейлидикай, Межнунакай халкьариз.
Ша чунни жен ашукь хьанвай дурнаяр,
Муьгьуьббатди хкаждайвал цавариз.

На лугьузва, вал абурар алай туш,
Гунагь тушни лугьуз гафар а харчи.
Иервилихъ вафалувал жедай туш,
Ам къизилдин къаб я гуьзел, къен ичIи.

Масабурни ава жеди вун кIани,
Ам, гьелбетда, аламатдин кIвалах туш.
Амма тек за ийида ви къул къени!
Им зи кьин я, гьакIан кьуру дамах туш.

И йикъара цуькверни гваз куь кIвализ
Къведа зун, ваз теклиф ийиз гъилни рикI.
И мерд чанда вуч аватIа чин тийиз,
Я руш, вагай заз ваъ лугьуз жеда гьикI?

Аквазвани рагъ дагъларихъ хъфизвай?
Ада мад са югъ тухвана уьмуьрдай.
Инсанар я чун са юкъуз рекьизвай,
Твамир на зун пашманвилин есирда.

Ви кIанивал герек жедач заз ахпа,
Тухудайла эцигна зун мягьфеда.
Чан аламаз къе хъсан я - кьий пака...
Ша акьахин муьгьуьббатдин луьткведа

Добавить комментарий

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.