Ихьтин тIвар алаз мукьвара Дербентдин “Типография-М” издательствода 350 экз. тираж аваз бажарагълу мухбир ва шаир Нариман КЪАРИБОВАН ктаб чапдай акъатнава. Ана шаирдин уьмуьрдин ва яратмишунрин рекьикай жуьреба-жуьре пешекарри кхьенвай макъалаяр, очеркар, рецензияр ва автордин цIийи шиирарни хизандин альбомдай къачунвай шикилар гьатнава. Идалай вилик Н.Къарибован къелемдикай “Зи ачух рикI”, “Аманат”, “Югъ нисинилай алатайла”, “Дурнайрин мани”, “Хайи чилин чимивал” (лезги чIалалди), “Уяхарун” (урус чIалалди) кIватIалар хкатнава.
Автордин цIийи ктабдин къурулушди шагьидвалзавайвал, ина шаирди 75 йисан къене яратмишунрин рекье къазанмишнавай агалкьунрин нетижаяр кьазва. Н.Къарибовадин шииратдин кьилин темаяр (Ватан, муьгьуьббат, ислягьвал...) и ктабдани давам жезва, вични цIийи рангара, цицIи гафара. Ктабда гьатнавай шииррихъ галаз таниш хьайила малум жезвайвал, Н.Къарибован “75-гатфар” рикIиз кIаниди, руьгьдиз чимиди, михьи гьиссерив ацIанвайди я.
Мегьамед ИБРАГЬИМОВ
Лезги газет
Добавить комментарий