Нагагь адаз хьайтIа гишин,
Шаламар нез жед ам кIвачин...
Фагьумна за: гьайвандин чин
Зерре кьван регъуь жедайд туш.
Гагь макъамда ийиз чин чIур,
Вичин писвал ийиз машгьур.
Гарданда са цIару зунжур
Тун таIвуртIа, хуьз жедайд туш.
За лугьун ваз адан пеше:
Чин чIурна ам къведач виже.
Заз акуна, катран гъуьрче
Мад ихьтин ягъи жедайд туш.
Эхир гуда садаз зарар:
Гзаф екебур я сарар.
Гьич са гьайвандинни чIарар
Адан кьван векъи жедайд туш.
Ай Сулейман, квез я ялар,
Нивди я ви къалмакъалар?
Вавай хьтин лезги чIалар
Масдавай яргъи жедай туш.
Рубрика
Добавить комментарий