Перейти к основному содержанию

Бязи ахмакь дегьне вацIуз

Бязи ахмакь дегьне вацIуз 
ЭвичIда, улам тийижиз. 
ТIиш, пIузарар михьиз кьацIуз, 
Рахадай макъам тийижиз.

Эй фукъара, вун акI жемир, 
Сиве агакь тийиз немир. 
Файдавачиз фида уьмуьр, 
ЗахутIни гьамам тийижиз.

Аквамир ваз вунни зурба, 
Секинз акъваз, я кьей цIарба. 
Фин герек туш акьван зарба, 
ГьикI ятIа аям тийижиз.

Эй Сулейман, вун я устIар, 
Авайд я вахъ хурун дафтар. 
Вуна лагь чаз а касдин тIвар, 
Мягьтел я чун, гьам тийижиз.

Добавить комментарий

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.