Фагьумна за, чан патахъай
Гъавурдик квачиз хъсан я.
Жуван гьални яз мацIахай,
Акьулдиз нашиз хъсан я.
Пис фикир рикIе жедалди,
Фитнедин кIвенкIве жедалди,
Макъамсуз еке жедалди,
Алай гьал гъвечIиз хъсан я.
Я дуст, за ваз са кар чирин:
Эхир рикIиз жеда серин,
Михеннатдив apа ширин
Жедалди, тушиз хъсан я.
Эй Сулейман, ви хасият
Фагьумдайдаз я авсият.
Гена пис ви а насигьат
Кьур касдиз вичиз хъсан я.
Рубрика
Добавить комментарий