Заз выставка

Эй юлдашар, заз выставка, 
Хъсан тир гьалар акуна. 
Фагьумна за анин чка, 
Зурба тир малар акуна.

ЛагьайтIан кар жеда белки, 
Абад ятIа я гьа уьлкве. 
Деведилай пара еке, 
Заз гьахьтин калер акуна.

Фагьумнамаз диши, эркек, 
Юргъа балкIанарни зирек, 
Тум галачир гьакIан гуьдек 
Зурба тир гьерер акуна.

Фагьумна за гзаф иер, 
Бирибурун рангар кегьер, 
КIуфни шуькIуь туьркмен тегьер 
Заз гьахьтин хварар акуна.

Сулейман, на фагьума кван, 
Чнан гьадал къулар чIугван. 
Вирибур лап данаяр кьван 
Хперни кIелер акуна.

Комментарий кхьихь

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.