Гьуьруьят хъсан 3ati я

Гьуьруьят хупI хъсан затI я, 
Эллериз къадир хьайитIа. 
Дугъриданни, масан затI я, 
Муьштеридиз чир хьайитIа.

Фагьумнамаз бязи крар - 
Гагь жеда им чергес пурар, 
Эвелдай хьайи гьа икьрар 
ГьикIда бес таъхир хьайитIа.

Керекулдиз -  къведач лугьуз, 
ЧIулав гъуьлягъ - «гъед я» лугьуз, 
Ранг акурла, «мед я» лугьуз, 
Четин я чехир хьайитIа.

МичIериз «эквер я» лугьуз, 
Верчериз «кIекер я» лугьуз, 
Яргъалай «миргер я» лугьуз, 
ГьикIда чеб ламар хьайитIа.

Са карни туькIуьр тежедай, 
ЦайитIани дуьгуь тежедай, 
Инсандивай гуьз тежедай, 
ГьикIда чIуру хир xьaйитIa?

Гьардаз вичин эксик, герек 
Течиз, мецер хьана зирек 
Наши ашпазд авур хуьрек 
ГьикIда бес пехир хьайитIа.

Чаз «им хъсан гьал я» лугьуз, 
Гагь «вирт авай цел я» лугьуз, 
«Цирав хпен кIел я» лугьуз, 
ГьикIда катдай къуьр хьайитIа.

Хъсан яз къалаз эвелдай 
Акъудна чун авай гьатдай 
Дуьнья гьарда вичихъ ялдай 
ГьикIда патахъ кIир хьайитIа.

«Им хъсан гьава я» лугьуз, 
«Дердиниз дава я» лугьуз, 
«Вич ширин гьава я» лугьуз, 
ГьикIда чIулав къир хьайитIа.

Сулеймана икI лагьана, 
Бязибурун кефи хана 
ИкI жавабдар вун рахана, 
ГьикIда вал тахсир хьайитIа.

Комментарий кхьихь

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.