Перейти к основному содержанию

Гад кiватiиз тади ая

Эй, юлдашар, йифиз-юкъуз, 
Къайгъу яхъ гатун патахъай. 
КIантIа часна, кIантIа калхуз, 
Тади (а) я кIватIун патахъай.

Фагьум хъуьтIуьн йикъан гьалар, 
Жуван килфетар, аялар;
Гьар са касди яхъ мукалар, 
Къуз виш цуьл атIун патахъай.

Герек ник жен рекьер - рекьер, 
Пелерикай кIвахьиз гьекьер. 
ЯцIу - яцIу ая чикьер 
Цуьл тIарам кутIун патахъай.

ГьакI маргъухъанвилин фурма 
Аслан хьтин къекъвен сама. 
Ударник юлдаш я гьама 
Кар вилик кутун патахъай.

Герек йигин гьалда егвен, 
Михьи гьалда чир жен гуьз гвен, 
Бригадирни кар чиз луькIвен 
Халкь гъавурда тун патахъай.

Пакагьан кар гьакI рикIемаз, 
Няниз ксун вядедаздаз, 
Фикир ийин: гьар пакамаз 
Фад ахварай (а) ватун патахъай.

Герек тир алатар, затIар, 
Тамам ийин вири шартIар. 
Вядедамаз эчIичI pатlap 
Техил фад гатун патахъай,

Буш кьамир куьне зи гафар. 
Аквадан квез цIинин марфар? 
КIватIа гьакI хъуьтIуь алафар 
Гьайванариз тIуьн патахъай.

Сулейман, на веревирда, 
Гьар са юлдаш тур гъавурда:
Член юлдашри вирида.
ГьакI гьерекатун патахъай.

Добавить комментарий

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.