Ленин юлдаш эвел кьиляй

Ленин юлдаш эвел кьиляй 
Я регьбервал чаз авурди, 
Ихтияр къахчуна гъиляй, 
Душманар ажуз авурди.

Къагьриманар хьтин къуччагъ
Юлдашар авайди я чахъ, 
Сталин я яру пайдах 
Мертеба виниз авурди.

Делан къилих авай дирбаш, 
ЯхцIурни цIуд тир вичин яш, 
Орджоникидзе чи юлдаш - 
Сад гьам я кар чиз авурди.

Туна вичин чанда мирвет, 
Йифди - югъди чIугваз зегьмет, 
Хаинрин хамарин къимет 
Руквадлай ужуз авурди.

А куьгьне закунар ктIай, 
Залумарин рикIиз кIандай, 
Гьелбет, гьабур чи арадай 
ХупI хьана яргъаз авурди.

Фагьум ийиз а кесиб эл, 
Хан, бегдикай атана хъел, 
Ширин чандал акьалтиз гвел, 
Дяве тIуб жакьваз авурди.

Йифди - югъди, гьар гьамиша, 
ГьакI алахъун хьана пеше,
Гьеле гьелбет чи дережа 
Къалай - къуз яцIуз авурди.

Гевил шад, уьмуьр зияда, 
Яшамишрай и дуьньяда, 
Течирбуруз жедай къайда 
Гьам я чаз къалуз авурди.

Регьбер залан санайидин.
Турди туш чахъ крар четин, 
Мад юлдаш Орджоникидзедин 
Кар вилик тухуз авурди.

Ахпа Киров юлдаш серес, 
Душманрилай къахчуз кьисас, 
Гьа юлдашди Совет власт 
Барчимар кIевиз авурди.

Гьич къусурвал тийиз ерли, 
Сада садаз лугьуз белли, 
СтIал Сулейманан сейли 
Я икI чIал рахаз авурди.

Комментарий кхьихь

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.