Перейти к основному содержанию

Къузадин кьиб

Вучиз ят1ан дуьньяда,
Элкъуьн тавур къван амач.
И кьве япув, я дустар,
Агакь тавур ван амач.

Дегь ч1авузни дуьнья ик1-
И чилни и цав хьана.
Мухан фуаз къуьлуьн фу
Къафун хьайи ч1ав хьана.

Гьа ч1авузни бендеяр
Сад хаха, сад лук1 хьана.
Т1имил тушиз шейт1анар
Сад иблис, сад кьукь хьана.

Ара-ара къуьлуьн фуаз
Герек хьана къафунар
Эхун патал къатай фу
К1анда ракьун руфунар.

Къузадин кьиб дат1ана
Ц1игел жеда ракъинихъ.
Минет ийиз гъуцариз-
Атанайт1а рагъ инихъ.

Акьур ч1авуз нисен рагъ,
Крар фида жагъбажагъ.
Гьатна ифин далуда
Шулугъарда шулуда.

Жигъирдикай рехъ хьана,
К1усаникай хъвехъ хьана,
Фу бул хьайи береда
Пехъи хьайи жуьреда
Алатда фад ц1арц1елай,
Салам гуда яргъалай.
Вун рахадай ч1авузди,
Винизда т1иш, цавузди.
Экъеч1айдаз пунцелай
Аман жеда, лугьуда.
Такур касдин къудурвал
Яман жеда, лугьуда.
Шулудан кьам ифида,
Рагъ дидедал хъфида.
Аквада ваз къузад къиб
Агаж хьана рекьида.
Хуьз тахьайди къаб вичин
Душман жеда вич-вичин.
Пехъи касдин эхир кьил
Акваз-такваз пис жеда.
Рагъ хъфейла дидедал
Агаж хьана кис жеда

Добавить комментарий

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.