Гьиниз физва?

Нерин к1анел нехиш ама соскадин,
Пиян ч1авуз ухшар къведа чушкадин.
Эрекь хъвана акъатнава кьилиз вун
Пиян гада, гьик1 хъфизва к1вализ вун?

Ч1угвазва на синесоид рекъерал,
Африкадин карта гьатна пекерал.
Гьик1 акъатда жув хайидан чиниз вун,
Пиян гада, гьик1 хъфизва к1вализ вун?

К1ани руша вилив хуьзва яргъалай,
Вилин к1ак1ар, кьат1из жезвач юргъарай.
Лугьузва хьи, такурай мад вилиз вун
Пиян гада, гьик1 хъфизва к1вализ вун?

Айиб тушни, кук1уш рехи бубадкай,
Бизар хьанвай хва т1вар алай супадкай.
Дуьз килига къабар алай гъилиз вун,
Пиян гада, гьик1 хъфизва к1вализ вун?

Тек са вун туш чи кимерал пиянди,
Вучзават1а аку лезги хизанди.
Папаз килиг, гъуьл къунава къуьнерал,
Гъуьлуьз килиг, к1ац1ар ала хъуьхъверал.
Гада аку, галтад жезва кимерал,
Рушар аку гелягъ хьанва рекъерал.

Шаир аку пагь ат1ана амазмай
И дуьшуьшар мукьвал-мукьвал аквазвай:-
К1вач-к1вачелай алчуд жезва чи яман,
Фекьи пиян, маьлим пиян,вун пиян.
Бубан пиян, диден пиян-ай аман!!!
Зазни чидач, гьик1 хъфизва к1вализ чун?
И камарив гьиниз физва, гьиниз чун?

Комментарий кхьихь

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.