Перейти к основному содержанию

Ша рекъ тагун «сик1ериз»

Ша рекъ тагун «сик1ериз»
Мукьвал-мукьвал хуьре чи,
Аламатар жез ава
Хелвет хьунихъ дере чи
Кимел «сик1ер» къвез ава
Рекьиз авай кал къачуз,
Кьуьзуь балк1ан, мал къачуз.
Калбасадин цехериз,
Т1уьна элди кефериз
Лап къе-пакьа гиликьиз
Гьазурбурни тухузва.
Хер акъатна зарул тир
Азурбурни тухузва.
Кьилел къаза атана
Гиликьайдин к1анзава.
Фагьумзавач лук1ари,
Ида гьинай ванзава.
Телевизорди мукьвара,
Авудна лап ахварай:-
Калбасадин цехина,
Супадин кьил шез авай
Заз течиз и къафундихъ
Киц1ни-кацни жез авай.
Акур ч1авуз и акун,
Дигиш хьана зи кьат1ун
Гьа йикъалай зи тандиз
Агъургъанар къвез ава.
Бес вучиз чи сивера
Лип1 хьанавай мез ава?
Акваз – акваз и къугъун
Акатай зат1 нез ава.
Т1еамиз виш грамдив,
Лап кефина жез ава.
Пагь ат1ана ама зун,
Калбасадиз тегьериз
Алахьиз агь мецелай
«Вад» гана за «сик1»ериз.
Экъеч1 тежер дегьне фур,
Эгъуьнзава физ-чна.
Заз лугьудай гаф амач,
Акьул гуда низ чна?
Кап1завайдин аквазва,
Табзавайдин аквазва.
Шумуд къван ча акъазва.
Агаж хьана гъилер чи,
Ич1и хьана кьилер чи
Мич1 хьанава вилер чи.
Азаб гана рик1ериз,
Рехъ гуз ава «сик1» ериз.
Чаз гаф лугьун хас амач.
Начагъ тушир кас амач.
Ийиз ихьтин ч1уру кар,
Гъиле гьатай кепекар
Азарханад рекъериз
Хкадариз ава чун.
Дарманарни михьи туш,
Шукур, кIвачел ала чун.
Душман хьана жув-жуван
Чун малар хьиз рекьизва.
Мягьфед юкьвал са капаш
К1араб хьана хъфизва.

Добавить комментарий

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.