Перейти к основному содержанию

Куьмек це, духтур

Хабар тушни,зи кьилел ц1ук1
Акатна, Къудрат.
Лал байихар къадакьрай.
Акьатна, Къудрат.

Ясаб хуьряй са кукуп1
Акъатна рекъел.
Илиг хьана бейхабар
И рик1 а рик1ел.

Зун заз акур цуькведи
Авунва дили.
Гьикьван ч1ав я, тек гьадаз
К1валахиз кьили.

Инсан тушир, нехиш тир
Халикьдин гъилин.
Лаз гана зи ч1арариз,
Ашкъиди кьилин.

Рик1и йигин ягъана
Т1екьна зил галаз.
А кукуп1дин дидардихъ
Кузва вил галаз.

Эвел вилиз акурди
Хьана ахвар хьиз.
Гум чинеба кук1ушдай
Акъатна ч1ар хьиз.

Ахпа гурпна гугуди
Алугна духтур.
Зи рик1икай са гъаб ч1ух
Амукьна, духтур.

А ваз акур зун амач
Дигиш хьанва дуьн.
Гьяркьуь я заз гьигила
Цуьцуьхдин хъуьхъуьн.

Жедачни бес я, духтур,
Чун агудайт1а?
Тек са сефер на свах ваъ,
Цаз акъудайт1а?

Жедачни бес авурт1а
Шаирдиз чара?
Къаних касдиз гайи цин,
Суваб я пара.

Я тахьайт1а гунагьар
Амукьда хиве.
Бес я вуна хехинив
Ц1ай турди сиве.

Добавить комментарий

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.