Перейти к основному содержанию

Январдин йиф

Им вуч т1ал я, им вуч к1валах
Пехъи я залум.
Кук1варзава гунагьсуз эл
Гзаф я зулум.

Ч1улав гару лепе твазва
Инсанрин гьуьле.
Хар хьиз къвазва кьец1ил элдал
Ягъидин гуьлле.

Сад хъуьрезва, сада чан гуз
Акахьна ванер.
Авахьзава хвал хьиз иви
Чуьхуьзва къванер.

Гьулдан хьтин жегьил чанар
Ийизва кьве къат.
Хъиткьинзава чилер-цавар
Инад я, инад.

Мусибатдин, хаинвилин
Шегьид я Баку.
Ихьтин са тагъ хурал алк1ай
Шегьид я Баку.

Агакь тийиз, гьахъдив гьарай
Вик1егь хьанва шер.
Январдин йиф, уьмуьрда зи
Кар такъвадай хер.

Добавить комментарий

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.