Перейти к основному содержанию

Агат хъия

Уьмуьр гьализ хъсан чка,
Эхь…ватан я, такъаз япа.
Бубад тавун хашра мука
Къунват1а ваз инад тушни.

Дегиш хьана к1валин абур,
Тавунда муг, гьаятда ч1ур.
Ви сихилдин са шумуд сур
Руьгь рик1елай алатзава.

Агат хъия, хайи чилив
Видни я ватан.
Хкаж хъия на парудал
Аватай са къван.

Са югъ ава къариб чилел
Амукьдай сефил.
Рехи яз кьил, зайиф яз вил
Дарих яз гуьгьуьл.

Хъиткьинзава ватандин хур
Веледрик вичин.
Ц1игел хьанва бубадин гъен
Гелерихъ хцин.

Шумуд йис я, хквен тийиз
Ви рик1 къван яни?
Я тахьайт1а, руьгь амачир
Къуру тан яни?

Куьн дидейри къариблухриз
Хайиди тушир.
Чиликай к1вач ат1уй лугьуз
Хвейиди тушир.

Бес гъам ч1угваз халкь хьанани
Диде бинедлай?
Шумуд диде вил рекъеваз
Фена дуьньядлай.

Агат хъия, хайи чилив
Видни я ватан.
Хкаж хъия на парудал
Аватай са къван.

Добавить комментарий

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.