Саядпери

Багъдин хура экуьн яра
Килигдайла хъуьхъвериз ви.
Пелен гьекьни гъилин къабар
Элкъведайла цуьквериз ви.
АквазватIан, тамарзу яз
Килигзава зи рикIи ваз, Саядпери! Саядпери!

КIанидаз хьиз жаваб це заз:
Лагь кван, я цуьк, цуьк галачиз
Билбилдивай жедан акъваз?
Нянихъ кар куьтягьайла,
Гьазур жен чун санал хъфиз.
Къе кIвал-югъни садин чна,
Чи пешеяр, фикиарр хьиз.
Гьазур ятIа гъил гъиле кьаз,
Сабур ая, жемир яргъаз, Саядпери! Саядпери!

КIанидаз хьиз жаваб це заз.
Лагь кван, я рикI, рикI галачиз
Жегьилдивай жедан акъваз?

1962