Гвен гуьзвай зегьметкешар

Чи колхуздин зегьметкешар,
Гьелбетда, куьн вири сагъ хьуй! 
Чи юлдашар - вахар, рушар, 
И Инжихан къари сагъ хьуй.

Xypa туна хуруганар, 
Мукалдалди ийиз гьунар, 
Яшамиш хьуй а куь чанар, 
Михьиз куьлуь, ири сагъ хьуй!

Зегьмет амач квезни акьван, 
ТIал амукьдач квехъ куь юкьван. 
Куь арада аскIан, кьакьан 
Зегьметчияр вири сагъ хьуй!

Галатункай тийиз луькIуьн, 
Кье - пака куьтягь жеда гвен, 
Гьар патахъди жеда эркин. 
Чи колхоздин ери сагъ хьуй.

Сулейманаз акур ахвар:
Мукалдин тумуниз пIагьар 
Гьазур я гуз, из дамахар. 
Ударник зи яран вахар - 
Милейсан, Шагьпери сагъ хьуй!

I933 - I935