Перейти к основному содержанию

Агъа стiалрин калхуз

Агъа СтIалрин калхуз 
Фагьума, килиг, кесибар. 
Алахъна кар вилик тухуз 
Цазава векь, ник, кесибар.

Ацукь кар чидайдан къвалахъ.
Жуваз крар чириз алахъ. 
Гатфарин магьсулрин кIвалах 
Ая куь гъилик, кесибар.

Ахтармиша xaм - xaм чилер, 
Калхузариз хкаж гъилер. 
Жезамай кьван мухар, къуьлер 
Тум кутур чилик, кесибар.

Зегьметкеш жен жувни хъсан, 
Лап хъуьтIемаз цуз жуван цан,  
Гьазурлухар къведай йисан 
Кутун я вилик, кесибар.

Сад садавди хуш яз рахух, 
Кеспияр вилик твах, агъугъ:
КутIундай малариз къуллугъ 
Ая, жервал куьк, кесибар.

СтIал Сулейманан къайда:
Буш гаф рахач ам гьавайда,
Санал хьуй мукални кIута, 
Лапатка шерик, кесибар.

Добавить комментарий

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.