Юлдашар, чи Куьре район
Ам гьеле икI вучиз ама?
Заз чир хьана: фикир тавун,
Илим тIимил лезгиз ама.
Эй юлдашар, йисалай - суз
Сa кIус кьванни вилик юзуз,
Гьар са чка ама яцIуз,
И Куьре куьз шуькIуьз ама?
Фагьумзава чнан абур,
Бес я куьне ур кьван сабур.
Заз чидай гьал са бязибур
Куьгьне рекьер кьаз физама.
Зун цIукI хьана кузва куькIуьр,
Ca гьалда куь тежез луькIуьр.
Бязи инсанарин фикир
Гьа эвел хьиз искиз ама.
Урусият калхуз вири
Хьана, кьуна чпин ери.
Тек - тек бязи кесибари
Кулакариз яб гузама.
Гзаф инсанарин рикIер
Калхуз хьана цун я никIер,
Хаинарин тумар, кIвенкIвер
Чеб часна яз ялгъуз ама.
Эй фекъир дили - дивана,
Хъсан фагьум ая вуна.
СтIал шаир Сулеймана
Садра квез мад лугьуз ама.
I93I
Рубрика
Добавить комментарий