Лежбер юлдаш, жуван акьул
Гьич вавай яргъаз ийимир.
Кулакариз чIyryнa къул,
Шерик тир кагьаз ийимир.
Ленин юлдашд эцигай ряхъ -
Виридакай гьам я хьи гьахъ.
За лагьайвал, гьам кIевиз яхъ,
Гьич ви кIвач патаз ийимир.
Кьилди майшат жедач вавай,
Эхир къведа ви кар кIевяй,
Калхуздик квай юлдашривай
Ви майшат яргъаз ийимир.
Гафар хъсан, амал бетер,
Герек туш а веревирдер.
Кесибариз ая дердер,
На кулак галаз ийимир.
СтIал Сулейманан кутIа
Ягъункай ваз жедач хата.
Кесиб юлдашрин арада
Гьич шахси - гъараз ийимир.
I932
Зулун хпив хьана икьрар.
Вахтунда це никIиз гъарар,
Лежбервилин пара крар
Чида Сулейманаз, лежбер.
Рубрика
Добавить комментарий