Перейти к основному содержанию

Ажеб хъсан затi я мектеб!

Ажеб хъсан затI я мектеб! 
Гьанихъ гала зи вил, диде. 
Илим кIелун я зи метлеб - 
Яз тамир зун сефил, диде.

Итимарин йифен курсар, 
Аялариз юкъуз тарсар;
Гьана ава жегьил сусар, 
Хьанава вун гъафил, диде.

3ахъ галаз къугъвадай рушар, 
Гьанавачни зи юлдашар? 
Инсанвилиз жедан ухшар 
Велед хьунухь табдил, диде?

Хъсан кар я кхьиз - чIуриз. 
Жувазни са илим чириз. 
Къарандашдив вердишариз 
КIанзава заз зи гъил, диде.

АкъвазайтIа зун икI авам, 
Гьарам хьуй заз на гайи мам. 
Жедалди зи илим тамам 
3аз кIанид туш гьич гъуьл, диде.

Сулейман халу, ви бейтер 
И кардиз вуна лагь бетер. 
Гумир на заз икьван дердер 
Туш ви акьул тIимил, диде.

I930 

Комментарии

Ханумка
14.01.2022

Хочу стих про моë имя

Дауд
16.01.2024

хоти

Добавить комментарий

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.